◄

   

‘ చిత్ర సీమ ’  సెప్టెంబర్  1957,  నుంచి

 సావిత్రికి  మామూలు సమయాల్లో‘మేకప్’ చేసుకోవటమంటే మహామంట.సింపుల్ గా ఉంటేనే బాగుంటుందని ఆమె అభిప్రాయం. సావిత్రి అంటే నిర్మాతలకు చాలా సదభిప్రాయం ఉంది. సెట్స్ లోకి వెళ్లిందంటే , ఏ ‘మూడ్’ లోకి వెళ్లాలన్నా, డైరక్టర్ చెప్పిన మరుక్షణంలో ఆ ‘మూడ్’లో ప్రవేశించగలదు.అంతేగాని, యివ్వాళ ‘మూడ్’లో లేనండి అనే ఆర్టిస్ట్ కాదు సావిత్రి.  ‘వేంప్ రోల్స్’ అన్నా , వేంప్ గా వుండటమన్నా ఆమెకు సుతారామూ యిష్టం లేదు.

సౌందర్యార్చన కోసంటాయిలెట్స్ ,క్రీములువాడటం యిష్టం లేదంటుందిసావిత్రి. ‘మేకప్’ దేనితో చేసుకుంటారు మీరు ?

అని చాలా మంది ప్రశ్నిస్తారు.దేనితోనూ చేసుకోను ,అంటుందామె.చిరునగవుకు మించిన సౌందర్య భూషణం మరేదీ లేదని ఆమె అభిప్రాయం.తన అభిమానులు వ్రాసే ఉత్తరాలన్నీ చదువుతుంది గాని,తీరిక చిక్కనందున అందరికి వ్రాయటం కుదరటం లేదని ఆమె చింతిస్తుంది.

 

 

                                                                                                     ◄